twitter
    සිතුවිලි ආදරයෙන් පුරවගන්න...ගොඩවෙන්න අපේ සිතුවිලි පාලමට....!

ලක් වැසියන් කෙරෙහි නැමී....

මට මතකයි අපි පුංචි කාලේ අපේ ඉස්කෝලේ හැමදාම උදේට ලස්සන සින්දු ටිකක් වාදනය කරනවා මුළු පළාතටම ඇහෙන්න.ගොඩක් සිංදුවල අර්ථය ගැන අපිට ලොකු වැටහීමක් නැති උනාට එක සින්දුවක් තිබුන මම හරි ආසාවෙන් අහගෙන හිටපු.අපූරු පදරචනයක්, ......අපේ කම මුහු වෙච්ච ලස්සන තනුවක්,....ඒ දෙකටම 200% ක් සාදාරනය ඉෂ්ට කරන්න පුළුවන් කටහඬක්,......මේ ගීතය මගේ හිතේ බොහොම ගැඹුරුම තැනක නවතින්න මේ කාරනා තුනම හේතු උනා කියල මට හිතෙනවා.....අහල බලන්න...අදහස ලියල යන්නත් අමතක කරන්න එපා...




ලක් වැසියන් කෙරෙහි නැමී
අරහත් මහ මිහිඳු හිමි
පෙව්වෙ උතුම් සදහම් මී
පුත නුඹටත් පොවමි එමී
ජාතිය රන් විමනක් වේ
ආගම මිණි පහනක් වේ
එය ‍රැකගන්නට මෙලොවේ
සමත් වෙතොත් පුත නුඹ වේ

මෙබඳු උතුම් ලංකාවේ
දසතින් දුසිරිත් බෝවේ
මේ ගැන වැඩ කොලොත් ලොවේ
නුඹෙත් මගෙත් නම කියැවේ
ඉටු කොට කල යුතු යුතුකම්
ලැබුණත් ලෝකෙන් ගැරහුම්
ඉවසන්නට පුළුවන්නම්
නුඹයි මගේ පුතා උතුම්


තමන් ලැබූ දිවි පෙවෙතේ
කොටසක් රට සමය වෙතේ
පුද නොකොලොත් නුඹෙන් පුතේ
මෙලොවට කිසි පලක් නැතේ
මේ ගැන වැඩ කොට ඉමහත්
ලැබෙන දුකක් හිරිහැරයක්
නිවනට සරිකොට සිතතොත්
නුඹයි මගේ පුතා සමත්

කාටත් හිමි පොදුදේ නම්
නැති බැරි හිඟ අවහිරකම්
මේ දේ මැඩගෙන දස්කම්
පෑම තමයි සුරුවිරු කම්
උස් තැන් දැක හැකිලෙන්නේ
මිටි තැන් දැක පුප්පන්නේ
නිවටුන් බව සිතමින්නේ
මගේ පුතා ලොකු වෙන්නේ